I fiori de succa
10.05.2014 13:42
Rente la Nespack,
che iera Solvay,
prima, Iera la mensa.
Po', iera un parchegio e,
drio de questo qua,
prima del toc de Lisert,
dove xe' una marina...
ghe iera un ortisel
dove che coltivava ..
de tuto, mio papà !
Lui el se diletava,
de bravo pensiona'
a coltivar de tuto..
. Buonissime le fragole,
bononi i fasolini,
perfin el gran, li', iera...
e tal mulin l'andava
per farlo masinar
e la polenta far! Ma,
quel che me piaseva,
come colori, fiori e,
come gusto "in tecia",
iera le sue suchette
con quei suoi fiori giali,
che mama pastellava oppur li cusinava ....
e i me piaseva tanto....
Ma, quel che me piaseva
e quel che mi rimpianzo,
xe' veder mio papà ..
che l'ara o ch'el rastrela,
o el giusta le vanese...
Anche s'el me diseva
"Vien darme 'na' man qua!"
...e mi, finta de niente....
Come che vigneria
a darte 'na' man, desso!
Papà; mi vado via...
ma, te ricordo spesso!!
Mauro Munari 10 maggio 2014
